Jimmy Choo-ს ფეხსაცმელები ჰოლივუდის ლამაზმანების ფავორიტია. მალაიზიელი ჯიმი ჩუ პოპულარობის მოსახვეჭად ლონდონში 1980-იანი წლების დასაწყისში ჩავიდა. ნიჭიერი დიზაინერი Vogue-ის მოდის განყოფილების რედაქტორმა ტამარა მელონმა შეამჩნია და მანვე  შეუწყო ხელი ჯიმი ჩუს წარმატების მოპოვებაში.

 დიდი ფულის პატრონმა ტამარა მელონმა გადაწყვიტა ფულის დაბანდება და 1996 წელს Jimmy Choo-ს მარკით  ფეხსაცმელების პირველი კოლექცია გამოვიდა. თუმცა ამის გაკეთება დიდ სირთულეებთან იყო დაკავშირებული. ჯიმი ჩუს საშინლად არ უყვარდა ექსკიზების ხატვა. თუმცა შედეგმა ყველანაირ მოლოდინს გადააჭარბა და მარკამაც  სახელგანთქმულ კლიენტთა არმია შეიძინა.
 
 დღეს კი Jimmy Choo-ს ფეხსაცმელებს უამრავი თაყვანისმცემელი ჰყავს. ეფექტური სანდლები თუ მაშიები ჰოლივუდის ვარსკვლავების გარდერობშია დაბუდებული. სელებრითების ბოლო "ფეტიშს" წარმოადგენს სანდლები სახელწოდებით Quinze. ისინი უკვე შეიძინეს ჯენიფერ ლოპესმა დიანა კრუგერმა, ჰაიდი კლუმმა, ზოი სალდანამ და სხვებმა.