ჰიპსტერი - ეს ტერმინი ამერიკის შეერთებულ შტატებში მეოცე საუკუნის 40-იან წლებში გაჩნდა. პირველი ჰიპსტერები ცდილობდნენ დაევიწყებინათ საომარი წარსული, არ ეფიქრათ მომავალზე და ეცხოვრათ დღევანდელი დღით.

 თანამედროვე ცხოვრებაში ჰიპსტერებად მოიაზრებიან უზრუნველი ახალგაზრდობა, რომლებიც ინტერესდებიან უცხოური ელიტური კულტურითა და ხელოვნებით, მოდით, ალტერნატიული მუსიკით, ინდი-როკით, არტ-ჰაუსური კინოებით, თანამედროვე ლიტერატურით, ფოტოგრაფიით.

 ასეთი ადამიანები ატარებენ ვიწრო შარვლებს ან ლეგინსებს, გრძელ ჩოლკებს, ტალღოვან ვარცხნილობებს, კარეს, ფერად ჩარჩოიან სათვალეებს, მაისურებს ძველი როკ-ჯგუფების გამოსახულებით, კედებს ან პალტფორმებს, გრძელ შარფებს, გეომეტრიულ პრინტებს.

 ზოგიერთებში ისინი გაღიზიანებას იწვევენ. ნიუ-იორკის Time Out-მა სპეციალური ნომერიც კი დაბეჭდა სათაურით "რატომ უნდა მოკვდნენ ჰიპსტერები". ჟურნალ Adbusters-მა დაბეჭდა სტატია; " ჰიპსტერები: დასავლური ცივილიზაციის ჩიხი".  საქმე იმაშია, რომ პირველად დასავლეთის ისტორიაში გაჩნდა ისეთი ახალგაზრდული სუბკულტურა, რომელიც არაფრისკენ მიილტვის, არაფერზე ოცნებობს, არ აპროტესტებს.

  ზოგიერთი საერთოდ არ ცნობს მათ არსებობას, ზოგი ვერ იტანს, ზოგი კი ბაძავს მათ. თუმცა ჰიპსტერების მიმართ ინტერესი საკმაოდ დიდია და ყურადღების ნაკლებობას ნამდვილად არ განიცდიან.