| |
იაპონიაში გოთიკური ლოლიტის
სტილი ცხოვრების წესად მიიჩნევა, ხოლო ევროპაში ის მოდად
ითვლება. ლოლიტა - მოდური სამოსის სტილია, რომელიც
წარმოიშვა იაპონიის სუბკულტურაში. გოთიკური ლოლიტის სტილის
ფორმულირება და ჩამოყალიბება ვიქტორიანული ეპოქის გავლენით
მოხდა. ის მიისწრაფვის ფაიფურის დიდ თოჯინასთან მსგავსებას.
ყველაზე დიდი ყურადღება აფუებულ ქვედაბოლოებს ეთმობა,
რომლის სიგრძეც მუხლებამდეა, შეუცვლელი ატრიბუტი კი
ჩულქების მრავალფეროვანი სახეობებია. ლოლიტას სტილის
ფეხსაცმელები გამოირჩევა სქელი მაღალი ქუსლებით ან
პლატფორმებიანი ჩექმებით. პოპულარულია მაღალი ცილინდრები,
ლენტები თმაზე, სამკაულები და თხელი ხელთათმანები.
გოთიკური ლოლიტას სტილი წარმატებით გამოიყენა კარლ ლაგერფელდმა შანელის 2010
წლის გაზაფხული-ზაფხულის კოლექციაში, ხოლო
ტრანსფორმირებული ვარიანტით ანტონიო მარასმა და პრადამ. |
