Archives Dinner Party - ასე ეწოდებოდა ვახშამს, რომელიც ვალენტინო გარავანიმ პარიზში მაღალი მოდის კვირეულზე დასასწრებად ჩასულ მრავალრიცხოვან ვარსკვლავების საპატივცემულოდ გამართა, ვერსალის მდიდრულ სასახლეში.

 სტუმრებს შორის იყვნენ ბრენდის თაყვანისმცემლები: ჯესიკა ალბა, რომელიც ვახშამზე კვასკვასა წითელი ფერის "ბოშურ" კაბაში გამოწყობილი მივიდა (სხვათა შორის"ბოშური" თემა 2011 წლის ერთ-ერთი აქტუალური ტენდენციაა), გვინეტ პელტროუ, რომელსაც გვერდს ცნობილი ფოტოგრაფი მარიო ტესტინო უმშვენებდა, ბლეიკ ლაივლი და ანა ვინტური, ლიზ ჰარლი მეუღლესთან ერთად, ჰესუს ლუსი მადონას გარეშე და სხვები.