მის შესახებ ყველას სმენია, მათაც
კი ვინც მოდაზე ცოტა რამ იცის. Birkin - ეს არის
სიმდიდრისა და ფუფუნების სიმბოლო! Birkin - ჩანთა ქალის
სახელით! ქალის მოდელი ბრენდ Hermes-მა ბრიტანელი
მსახიობისა და მომღერლის ჯეინ ბირკინის საპატივცემულოდ
დაარქვა.
ისტორია 1984 წელს დაიწყო, როცა ჯეინი თვითმფრინავში იმყოფებოდა რეისით
პარიზი - ლონდონი, მასთან ერთ სალონში Hermes -ის
ხელმძღვანელი ჟან დიუმა აღმოჩნდა. გზაში ჯეინმა დაიჩივლა
დიუმასთან, თუ როგორ სირთულეებს წარმოადგენს დიდი ტყავის
ჩანთის შერჩევა და აუღწერა მას თავისი ოცნების ჩანთა.
ძალიან მალე კი მისი ოცნება ცნობილ ქალბატონს სახლში
მიუტანეს!
Birkin-ის ღირებულება 7500 $-იდან
იწყება. ჩანთა მზადდება სპეციალურად დამუშავებული ხბოს
ტყავისგან ან უფრო ძვირფასი მასალისგან, მაგალითად
როგორიცაა ნიანგი და სირაქლემა, ანდა ეგზოტიკური
ცხოველების ტყავი. ფურნიტურას ოქროსგან ან პალადიუმისგან
ქმნიან და იხურება გასაღებით. ყველა გასაღებს და ბოქლომს
თავისი ნომერი აქვს! ჩანთები ხელით იქმნება გამოცდილი
ოსტატების მიერ, ეს კი ძირითადი ფაქტორია, რაც
განაპირობებს ნაკეთობის მაღალ ფასს. ერთი ჩანთის შექმნას
დაახლოებით 48 საათი ესაჭიროება.
Birkin -ის ყველაზე ცნობილ
თაყვანისმცემლად ვიქტორია ბექჰემი ითვლება. მისი კოლექცია
40-მდე ეგზემპლიარს ითვლის. გასულ ახალ წელს მეუღლემ
საჩუქრად ბრილიანტებით გაფორმებული, ნიანგის ტყავის
ექსკლუზიური მოდელი მიართვა.
