ზურგჩანთამ დიდი ხანია ტურისტული და სპორტული საქონლის კატეგორიიდან მოდური აქსესუარების ჯგუფში გადმოინაცვლა. ამაში კი ლომის წილი Louis Vuitton ეკუთვნის, რომელმაც ბრეზენტი მდიდრული ტყავით შეცვალა და ზურგჩანთას მკაცრი, სწორკუთხოვანი ფორმა მისცა.

 Louis Vuitton-ის 2010 წლის გაზაფხული-ზაფხულის კოლექციაში ფერადი ბრელოკებითა და საკიდებით მორთული მრავალფეროვანი ზურგჩანთებია წარმოდგენილი. Donna Karan-იმ და Missoni-მ გოგონებს სტრაზებით გაფორმებული პატარა ზომის ტყავისა და ქსოვილის ზურგჩანთები შესთავაზეს. Alexander Wang-ის, Bottega Veneta-ს, Burberry Prorsum-ისა და Lanvin-ის ზურგჩანთები სპორტული სტილის ელემენტებს ინარჩუნებს: დაკერებული ჯიბეები, ელვა შესაკრავები. Dsquared²-მა თავყვანისმცემელებს დიდი ზომის გამჭვირვალე ზურგჩანთები შესთავაზა.

 რა თქმა უნდა დიზაინერების მიერ წარმოდგენილი მრავალფეროვანი ზურგჩანთები 2010 წლის აქტუალურ სპორტულ სტილს ლოგიკურად ავსებს და ამდიდრებს.