ბრენდი Hello Kitty, Sanrio-ს წყალობით შეიქმნა 1974 წელს.  იაპონური სათამაშოების მფლობელმა სინტარო ცუძიმ ერთხელაც გადაწყვიტა ისეთი სათამაშო შეექმნა, რომელიც ყველას მოეწონებოდა და ხანგრძლივი მუშაობისა და კლიენტებზე დაკვირვების შედეგად გაჩნდა იდეალური გმირი - ფისუნია სახელწოდებით Hello Kitty. პირველი ნაწარმი რამაც თავბრუდამხვევი წარმატება მოიპოვა იყო უბრალო საფულე Hello Kitty-ს გამოსახულებით.

 მას შემდეგ Hello Kitty-ს გამოსახულებით უამრავი სამოსი თუ აქსესუარი შეიქმნა. Hello Kitty-სთვის ახლა უკვე მთელ სამყაროს იგონებენ, სადაც მას საყვარელი მეგობრებიც ჰყავს - ბატკანი  Fifi, ენოტი - Tracy და თაგუნია -  Joey. ამის გარდა ფისუნიას ჰყავს ტყუპი და — Mimmy. Hello Kitty-ს ღირშესანიშნავი დღეს აქვს, ეს არის მისი დაბადების დღის თარიღი - 1 ნოემბერი.

  Hello Kitty-ს პოპულარობა დღითიდღე მატულობს. დღეს მას მსოფლიოში უამრავი თაყვანისმცემელი ჰყავს. მათ შორის არიან ზრდასრული სელებრითები: პერის ჰილტონი, კამერონ დიასი, ბრიტნი სპირსი, რიანა, მერაია ქერი და სხვები.