გასულ ღამეს ლონდონის Royal Courts of Justice-ში კომპანია Swarovski-ს სპონსორობით British Fashion Awards-ის ყოველწლიური დაჯილდოვების ცერემონია ჩატარდა.

 წითელ ხალიჩაზე ნამდვილი ვარსკვლავთცვენა გაიმართა: ვიქტორია ბექჰემი, კეიტ მოსი, ნატალია ვოდიანოვა, ოლგა კურილენკო, ევა ჰერციგოვა, კლაუდია შიფერი და კიდევ უამრავი ქალბატონი ერთმანეთს ულამაზესი კაბების დემონსტრირებაში ეცილებოდა, ხოლო დიზინერები ვივიენ ვესტვუდი და მეთიუ უილიამსონი დიდი სიამოვნებით საუბრობდნენ მოდაზე.

 სტუმრებიდან ბევრი ვარსკვლავი შინ პრიზებით დაბრუნდა, მათ შორის ჯორჯია ჯაგერი ("წლის მოდელი"), Burberry-ს კრეატიული დირექტორი კრისტოფერ ბეილი ("წლის დიზაინერი"), კეიტ მოსი ("სპეციალური ჯილდო -  London 25"), კეტი ჰილერი ("სამკაულების დიზაინერი"), ჯონ გალიანო ("მოდის სფეროს განვითარებაში მიღწეული წარმატებებისთვის"), Dunhill - ის კრეატიული დირექტორი კიმ ჯონსი ("მამაკცების საუკეთესო დიზაინერი"), დიზაინერი პიტერ პილოტო ("Swarovski - ს სპეციალური ჯილდო Ready-to-Wear-ის ახალი ტალანტი") და ბევრი სხვა.