Chanel-მა  ვანესა პარადის მონაწილეობით რამოდენიმე სარეკლამო პოსტერი გამოუშვა, სადაც ცნობილი ლამაზმანი შანელის ჩანთების ხაზს - Coco Cocoon-ს უწევს რეკლამირებას. როგორც მოსალოდნელი იყო სარეკლამო კამპანია თავად კარლ ლაგერფელდმა გადაიღო.

 Coco Cocoon-ის ხაზი ოდნავ განახლებული ვარიანტითაა წარმოდგენილი, თუმცა ძირითადი კონცეფცია კვლავინდებურ სახეს ინარჩუნებს - ბრენდის საფირმო დალიანდაგებული ქსოვილი, რომელიც ადრე Chanel-ის ჩანთების სარჩულს წარმოადგენდა, ისევ ამოტრიალებულია. Coco Cocoon-ის ფასები 695 დოლარიდან იწყება.

 ვანესა პარადი არაერთხელ გამხდარა შანელის სახე: 1992 წელს ის სუნამო Coco-ს უწევდა რეკლამირებას,  2004-ში - ჩანთების ხაზს- Ligne Cambon-ს, ხოლო დღეს კი პომადის Rouge Coco-ის პოსტერები სხვადასხვა მოდის ჟურნალებს ამშვენებს.