სკარლეტ იოჰანსონს Dolce&Gabbana-ს მუზად მოიხსენებენ, ჯერ მარტო იმიტომ, რომ ის ბრენდის კოსმეტიკური ხაზის სარეკლამო სახეა რამოდენიმე სეზონის განმავლობაში. სულ ახლახანს ინტერნეტ სივრცეში ახალი პრომო-ფოტოები გამოჩნდა სკარლეტის მონაწილეობით.

 თუ წინა სეზონის სარეკლამო ფოტოებზე მსახიობი მერლინ მონროს სექსუალურ იმიჯს ირგებდა, ახალ ფოტოებზე ის არც მეტი არც ნაკლები გოთს მოგვაგონებს.

 გათეთრებული კანის ტონი, შავად შეღებილი თვალები, დრამატული მოშავო-ბორდოსფერი ტუჩები  - ასეთი მეიქ-აფით სკარლეტი თავისუფლად გახდებოდა მორიგი გოთიკური ზღაპრის გმირი. თუმცა ასეთი განსხვავებული მაკიაჟით ის ჩვეულ სილამაზეს როდი კარგავს. სკარლეტ იოჰანსონი აქაც შეუდარებელია.