ინტერნეტ სივრცეში საიუველირო ბრენდის David Yurman-ის სარეკლამო ფოტოები გამოჩნდა, რომლის სარეკლამო სახე კვლავ კეიტ მოსია. მოსი ხან ჩაცმული და ხანაც გახდილი პოზირებს პიტერ ლინდბერგის ობიექტივის წინაშე. მიუხედავად იმისა, რომ ფოტოებზე მოდელი არაჩვეულებრივად გამოიყურება, ვიღაც მაინც თვლის, რომ 90-იანების წარმატებულმა მოდელმა დროა გზა ახალ თაობას დაუთმოს. ცნობილი გახდა, რომ Topshop წყვეტს მოსთან თანამშრომლობას, ამიერიდან "ბრენდის მოწვეული დიზაინერის" ადგილს კომპანიის მფლობელის სერ ფილიპ გრინის ქალიშვილი, 19 წლის ქლოე გრინი დაიკავებს.

 ამბობენ, რომ ქლოე დიდი ხანია უმიზნებს ამ ადგილს - ბოლო რამოდენიმე წლის განმავლობაში ის გამუდმებით მუშაობდა მამის ოფისში, ყურადღებით აკვირდებოდა ბიზნესის წარმოებას. მოდით ის უკვე 10 წლიდან დაინტერესდა,  ხოლო 15 წლის ასაკში არ აკლდებოდა არც ერთ მოდის ჩვენებას და გამუდმებით ანიშნებდა სერ ფილიპს, იმის შესახებ, რომ დროა მასაც ეცადა ბედი ფეშენ-ინდუსტრიაში.

 კომპანიის თანამშრომლები ამბობენ, რომ კეიტი მეტად განაწყენდა მეგობრის გადაწყვეტილებით, რომელმაც სხვათა შორის თავის დროზე მას "მეორე შვილი" უწოდა. თუმცა კეიტ მოსს შეუძლია გული იჯეროს - ბრიტანეთში დღე-დღეზე სტარტს აიღებს ახალი რეალითი შოუ, სადაც ის წამყვანის ამპლუაში მოგვევლინება.